Phoebe siluarumque potens Diana,
lucidum caeli decus, o colendi
semper et culti, date quae precamur
 empore sacro,

5

quo Sibyllini monuere versus
virgines lectas puerosque castos
dis, quibus septem placuere colles,
 icere carmen.
alme Sol, curru nitido diem qui

10

promis et celas aliusque et idem
nasceris, possis nihil urbe Roma
 isere maius.
Rite maturos aperire partus
lenis, Ilithyia, tuere matres,

15

sive tu Lucina probas vocari
 eu Genitalis:
diva, producas subolem patrumque
prosperes decreta super iugandis
feminis prolisque novae feraci

20

 ege marita,
certus undenos deciens per annos
orbis ut cantus referatque ludos
ter die claro totiensque grata
 octe frequentis.

25

Vosque, veraces cecinisse Parcae,
quod semel dictum est stabilisque rerum
terminus servet, bona iam peractis
 ungite fata.
fertilis frugum pecorisque Tellus

30

spicea donet Cererem corona;
nutriant fetus et aquae salubres
 t Iovis aurae.
condito mitis placidusque telo
supplices audi pueros, Apollo;

35

siderum regina bicornis, audi,
 una, puellas.
Roma si vestrum est opus Iliaeque
litus Etruscum tenuere turmae,
iussa pars mutare lares et urbem

40

 ospite cursu,
cui per ardentem sine fraude Troiam
castus Aeneas patriae superstes
liberum munivit iter, daturus
 lura relictis:

45

di, probos mores docili iuventae,
di, senectuti placidae quietem,
Romulae genti date remque prolemque
 t decus omne.
Quaeque vos bobus veneratur albis

50

clarus Anchisae Venerisque sanguis,
impetret, bellante prior, iacentem
 enis in hostem.
iam mari terraque manus potentis
Medus Albanasque timet securis,

55

iam Scythae responsa petunt, superbi
 uper et Indi.
iam Fides et Pax et Honos Pudorque
priscus et neglecta redire Virtus
audet adparetque beata pleno

60

 opia cornu.
Augur et fulgente decorus arcu
Phoebus acceptusque novem Camenis,
qui salutari levat arte fessos
 orporis artus,

65

si Palatinas videt aequos aras,
remque Romanam Latiumque felix
alterum in lustrum meliusque semper
 rorogat aevum,
quaeque Aventinum tenet Algidumque,

70

quindecim Diana preces virorum
curat et votis puerorum amicas
 dplicat auris.
Haec Iovem sentire deosque cunctos
spem bonam certamque domum reporto,

75

doctus et Phoebi chorus et Dianae
 icere laudes.