Persa 4.1

si quam rem accures sobrie aut frugaliter,

450

solet illa recte sub manus succedere.

atque edepol ferme ut quisque rem accurat suam,

sic ei procedit postprincipio, denique

5

si malus aut nequamst, male res vortunt quas agit,

sin autem frugist, eveniunt frugaliter.

455

hanc ego rem exorsus sum facete et callide,

igitur proventuram bene confido mihi.

nunc ego lenonem ita hodie intricatum dabo,

10

ut ipsus sese, qua se expediat, nesciat.

Sagaristio, heus, exi atque educe virginem

460

et istas tabellas, quas consignavi tibi,

quas tu attulisti mi ab ero meo usque e Persia.